Sterk auðkenning með rafrænum skilríkjum

Auðkenningar með notendanöfnum og lykilorðum eru viðkvæmar fyrir öryggisáhættum þar sem hægt er að brjótast inn í gagnagrunna með viðkæmum persónuupplýsingum. Jafnvel þó að það verði ekki brotist inn í þitt kerfi þá eiga notendur til að nota sömu lykilorðin fyrir marga aðganga sem þýðir að þú þarft að gera viðbótar öryggisráðstafanir sem fylgir kostnaður og krefst þróunaraðila sem eru sérfræðingar í öryggismálum. Með því að nota rafræn skilríki lágmarkar þú áhættu á netglæpum og svikum og veitir örugga og samræmda notendaupplifun í öllum þínum þjónustum.

Hlífðu notendum þínum frá ítarlegum spurningalistum. Fjölgaðu í staðinn heimsóknum viðskiptavina, nýskráningum eða viðskiptum á vefnum þínum og í appinu með sveigjanlegu og einföldu auðkenningarferli án lykilorða. 30% af viðskiptum í vefverslunum verða aldrei að kaupum vegna þess að neytendurnir geta ekki munað lykilorðið sitt. Auk þess leiða stífar kröfur um sterk og flókin lykilorð til þess að margir aðilar hætta við að stofna reikninga hjá nýjum aðilum.

Fækkaðu netsvikum og fölsunum í kerfinu þínu – með því að byggja á rafrænum skilríkjum frá traustum útgefanda getur þú treyst því hverjir þínir viðskiptavinir eru í raun og veru. Fjármálaþjónustuveitendur geta notað lausnirnar okkar til að skrá nýja aðila í viðskipti með fullgildum rafrænum undirskriftum eða öðrum viðurkenndum skilríkjum í samræmi við eIDAS reglugerðina eins og er krafa í lögum.

Einbeittu þér að því sem skiptir máli fyrir fyrirtækið þitt. Við getum sparað þér fjölda klukkustunda við að byggja upp nauðsynlega sérfræðiþekkingu og fullbúna lausn sem virkar. Yfir 80% af viðskiptavinum okkar innleiða API vefþjónusturnar okkar á innan við viku.